പൂച്ചാക്കല്‍: കളഞ്ഞുകിട്ടിയ പേഴ്‌സ് ഉടമസ്ഥന് തിരികെ നല്‍കി ലോട്ടറി വില്‍പനക്കാരന്‍ മാതൃകയായി.
പാണാവള്ളി പഞ്ചായത്ത് ഏഴാം വാര്‍ഡ് കുറ്റിയിടയില്‍ സദാനന്ദനാണ് പണം അടങ്ങിയ പേഴ്‌സ് ഉടമയ്ക്ക് തിരികെ നല്‍കിയത്. അരൂര്‍ ബൈപ്പാസിന് സമീപം ലോട്ടറി വില്‍പന നടത്തുന്നതിനിടയിലാണ് റോഡരികില്‍ നിന്നും പേഴ്‌സ് കിട്ടിയത്. ഉടനെ വില്പന നിര്‍ത്തിവെച്ച് പൂച്ചാക്കല്‍ പൊലിസ്റ്റേഷനിലെത്തി പേഴ്‌സ് ഏല്‍പ്പിക്കുകയായിരുന്നു.
പൊലിസ് പേഴ്‌സിനുള്ളില്‍ നിന്നും ലഭിച്ച ഫോണ്‍ നമ്പരില്‍ ബന്ധപ്പെട്ട് ഡ്രൈവറായ ഇടപ്പള്ളി സ്വദേശി മോഹന്‍കുമാറിനെ വിളിച്ചു വരുത്തി പണം, എടിഎം കാര്‍ഡ്, തിരിച്ചറിയല്‍ കാര്‍ഡ്, പാന്‍ കാര്‍ഡ് എന്നിവ അടങ്ങിയ പേഴ്‌സ് സദാനന്ദന്‍ പൊലിസിന്റെയും വാര്‍ഡ് മെമ്പര്‍ സി.പി വിനോദ് കുമാറിന്റെയും സാന്നിധ്യത്തില്‍ ഉടമയ്ക്ക് കൈമാറുകയായിരുന്നു.