തിരുവനന്തപുരം: കൊറോണ വൈറസിന്റെ പശ്ചാത്തലത്തില്‍ സംസ്ഥാനത്ത് നടത്താനിരുന്ന എല്ലാ പരീക്ഷകളും മാറ്റിവെച്ചു. എസ്.എസ്.എല്‍.സി, പ്ലസ് ടു, യൂനിവേഴ്സിറ്റി ഉള്‍പ്പെടെയുള്ള പരീക്ഷകള്‍ മാറ്റിവെക്കാനാണ് തീരുമാനം. മുഖ്യമന്ത്രി വിളിച്ചുചേര്‍ത്ത ഉന്നതതല യോഗത്തിലാണ് തീരുമാനം.

സി.ബി.എസ്.ഇ, ഐ.സി.എസ്.ഇ പരീക്ഷകള്‍ മാറ്റിയിട്ടും സംസ്ഥാനത്തെ പരീക്ഷകള്‍ മാറ്റാത്ത സര്‍ക്കാര്‍ നിലപാടിനെതിരെ വിമര്‍ശനം ഉയര്‍ന്നിരുന്നു. പരീക്ഷകള്‍ മാറ്റിവെക്കാന്‍ കേന്ദ്രസര്‍ക്കാരും യു.ജി.സിയും നിര്‍ദ്ദേശിച്ചിരുന്നുവെങ്കിലും ഇന്നലെ വൈകീട്ടുവരെ പരീക്ഷകള്‍ മാറ്റേണ്ടതില്ലെന്ന തീരുമാനത്തിലായിരുന്നു സംസ്ഥാന സര്‍ക്കാര്‍. എന്നാല്‍ ഇന്ന് രാവിലെ നടന്ന യോഗത്തിലാണ് തീരുമാനം മാറ്റിയത്.