കോഴിക്കോട്: കൊയിലാണ്ടി സയ്യിദ് അബ്ദുറഹ്മാന്‍ ബാഫഖി തങ്ങള്‍ ഗവ. കോളജില്‍ എത്തിയ പഞ്ചായത്ത് മുസ്‌ലിം ലീഗ് നേതാക്കളടക്കമുള്ളവരെ കൈയേറ്റം ചെയ്യാന്‍ ശ്രമിച്ച എസ്.എഫ്.ഐ ഫാസിസ്റ്റ് രീതി ചെറുത്തു തോല്‍പ്പിക്കുമെന്ന് എം.എസ്.എഫ് ജില്ലാ കമ്മിറ്റി പ്രസ്താവിച്ചു.
കോളജ് പ്രിന്‍സിപ്പലടക്കമുള്ള അധികാരികള്‍ പോലും സി.പി.എം ലോക്കല്‍ സെക്രട്ടറിയുടെ നിലവാരത്തില്‍ പെരുമാറുന്നത് കോളജിലെ ചുവപ്പ് ഭീകരതയാണ് കാണിക്കുന്നത്.
എസ്.എഫ്.ഐയുടെ ഇത്തരം ഫാസിസ്റ്റ് രീതി ശക്തമായി തന്നെ നേരിടുമെന്ന് ജില്ലാ പ്രസിഡന്റ് ലത്തീഫ് തുറയൂരും ജനറല്‍ സെക്രട്ടറി അഫ്‌നാസ് ചോറോടും പറഞ്ഞു.