വാഴക്കാട്: ഊര്‍ക്കടവ് ഉസ്താദ് എന്ന പേരില്‍ അറിയപ്പെട്ടിരുന്ന പ്രമുഖ പണ്ഡിതന്‍ ഖാസിം മുസ്‌ലിയാരുടെ മൂന്നാം ആണ്ട് നേര്‍ച്ചയുടെ പരിപാടികള്‍ക്ക് ഇന്ന് വൈകിട്ട് ഏഴിന് തുടക്കമാവും. കോഴിക്കോട് വലിയ ഖാസി ഉദ്ഘാടനം ചെയ്യും. വലിയുദ്ധീന്‍ ഫൈസി പ്രഭാഷണം നടത്തും. വെള്ളിയാഴ്ച വൈകിട്ട് മഖാം സിയാറത്തും ശനി, ഞായര്‍, തിങ്കള്‍ ദിവസങ്ങളില്‍ വൈകിട്ട് ഏഴിന് മത പ്രഭാഷണവും നടത്തും. ജലീല്‍ റഹ്മാനി വാണിയന്നൂര്‍, റഷീദ് ഫൈസി വെള്ളായിക്കോട്, ഹസന്‍ സഖാഫി പൂക്കോട്ടൂര്‍ എന്നിവര്‍ യഥാക്രമം പ്രഭാഷണം നടത്തും.
ചൊവ്വാഴ്ച രാവിലെ ഒന്‍പതിന് നടക്കുന്ന സമാപന പ്രാര്‍ഥനക്ക് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ നേതൃത്വം നല്‍കും. കെ.എസ് ഇബ്‌റാഹീം മുസ്‌ലിയാര്‍, ആനമങ്ങാട് മുഹമ്മദ് കുട്ടി ഫൈസി, ജബ്ബാര്‍ ഹാജി, റഷീദ് ഫൈസി വെള്ളായിക്കോട് സംസാരിക്കും. ഉച്ചക്ക് ഒന്നിന് അന്നദാനവും നടക്കും.