ജിദ്ദ: സഊദിയിലെ തെക്കുപടിഞ്ഞാറന്‍ അതിര്‍ത്തി പട്ടണമായ ജിസാനിലെ ജനവാസ മേഖലകള്‍ ലക്ഷ്യമിട്ട് ഹൂത്തി മിലീഷ്യകള്‍ നടത്തിയ മിസൈല്‍ ആക്രമണത്തില്‍ ഒരാള്‍ കൊല്ലപ്പെട്ടതായി അല്‍ ഇഖ്ബാരിയ ടെലിവിഷന്‍ ചാനല്‍ റിപ്പോര്‍ട്ട് ചെയ്തു. സംഭവത്തില്‍ ഒരാള്‍ക്ക് പരുക്കേറ്റു.
കഴിഞ്ഞ ദിവസം രാവിലെ 10.40നാണ് നാല് മിസൈലും വന്നതെന്ന് അല്‍ അറബിയ ചാനല്‍ റിപ്പോര്‍ട്ട് ചെയ്തു.
സഊദി വ്യോമ പ്രതിരോധ സേന ആകാശത്തുവച്ച് തകര്‍ത്ത മിസൈലിന്റെ ഭാഗം പതിച്ചാണ് ഒരാള്‍ക്ക് പരുക്കേറ്റത്. കൂടുതല്‍ വിവരങ്ങള്‍ അധികൃതര്‍ വെളിപ്പെടുത്തിയിട്ടില്ല.
ജിസാനിലെ ജനവാസ കേന്ദ്രങ്ങളായിരുന്നു ഹൂത്തികളുടെ ലക്ഷ്യമെന്ന് അറബ് സഖ്യസേനാ വക്താവ് കേണല്‍ തുര്‍ക്കി അല്‍ മാലിക്കി പറഞ്ഞു.