കൊച്ചി: രണ്ടുദിവസത്തെ പരിപാടികള്‍ക്കായി കേരളത്തിലെത്തിയ ഉപരാഷ്ട്രപതി എം.വെങ്കയ്യനായിഡുവിന് കൊച്ചിയില്‍ സ്വീകരണം നല്‍കി.
നാവികസേനാ വിമാനത്താവളത്തില്‍ മന്ത്രി മാത്യു ടി. തോമസ്, പൊതുഭരണ വകുപ്പ് പ്രിന്‍സിപ്പല്‍ സെക്രട്ടറി ബിശ്വനാഥ് സിന്‍ഹ, ജില്ലാ കലക്ടര്‍ മുഹമ്മദ്. വൈ സഫിറുല്ല, ഐ.ജി വിജയ് സാക്കറെ എന്നിവര്‍ ചേര്‍ന്ന് സ്വീകരിച്ചു.
എറണാകുളം ഗസ്റ്റ്ഹൗസില്‍ ഇന്നലെ താമസിച്ചതിനുശേഷം ഇന്ന് ഉച്ചയ്ക്ക് 12.05ന് മാര്‍ത്തോമ്മ സഭാ ആസ്ഥാനത്തെത്തും.
മൂന്നിന് ഡോ. ഫിലിപ്പോസ് മാര്‍ ക്രിസോസ്റ്റം വലിയ മെത്രപ്പൊലീത്തയുടെ 101-ാം ജന്മദിന സമ്മേളനവും ഡോ. ജോസഫ് മാര്‍ത്തോമ്മ മെത്രാപ്പൊലീത്തയുടെ പൗരോഹിത്യ വജ്രജൂബിലി ആഘോഷവും ഉദ്ഘാടനം ചെയ്യും.