പുല്‍പ്പള്ളി: കല്ലുവയല്‍ ശ്രീനാരായണ എ.എല്‍.പി സ്‌കൂളിന്റെ സുവര്‍ണ ജൂബിലി ആഘോഷങ്ങളുടെ സമാപനം നാളെ നടക്കുമെന്ന് സ്വാഗതസംഘം ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 1968-ജൂണില്‍ പ്രവര്‍ത്തനം ആരംഭിച്ചതാണ് വിദ്യാലയം.
വൈകിട്ട് അഞ്ചിന് നടക്കുന്ന സുവര്‍ണ ജൂബിലി സമാപനസമ്മേളനം ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്യും. സ്‌കൂളിലെ പൂര്‍വ വിദ്യാര്‍ഥികള്‍ സമര്‍പ്പിച്ച് നവീകരിച്ച ക്ലാസ് മുറികളുടെ ഉദ്ഘാടനം പനമരം ബ്ലോക്ക് പഞ്ചായത്ത് പ്രസിഡന്റ് ടി.എസ് ദിലീപ്കുമാര്‍ ഉദ്ഘാടനം ചെയ്യും. പുല്‍പ്പളളി പഞ്ചായത്തിലെ വിവിധ എല്‍.പി സ്‌കൂളിലെ വിദ്യാര്‍ഥികള്‍ക്കായി നടത്തിയ വിവിധ മത്സരങ്ങളിലെ വിജയികള്‍ക്ക് പുല്‍പ്പളളി പഞ്ചായത്ത് പ്രസിഡന്റ് ബിന്ദുപ്രകാശ് സമ്മാനങ്ങള്‍ വിതരണം ചെയ്യും. തുടര്‍ന്ന് പൂര്‍വവിദ്യാര്‍ഥികള്‍ അവതരിപ്പിക്കുന്ന കലാപരിപാടികള്‍, ഗാനമേള എന്നിവയുമുണ്ടായിരിക്കും. സ്വാഗതസംഘം ഭാരവാഹികളായ എം.ആര്‍ ജനകന്‍, വി.ടി സീതാമണി, പി.ബി മോഹനന്‍, എം.എ വിശ്വപ്പന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.