കൊണ്ടോട്ടി: വിഷുദിനത്തില്‍ കാണാതായ മധ്യവയ്‌സകനെ മരിച്ച നിലയില്‍ കണ്ടെത്തിയ സംഭവത്തില്‍ ദുരൂഹതയില്ലെന്ന് പൊലിസ്. ചെറുകാവ് പറവൂര്‍ കൊല്ലത്തടായി കോളനി വെട്ടുകാട്ടില്‍ പരേതനായ കുഞ്ഞന്റെ മകന്‍ സത്യന്‍(45)എന്നയാളെ കഴിഞ്ഞ 18നാണ് വീടിന് സമീപത്തെ സ്വകാര്യവ്യക്തിയുടെ പറമ്പില്‍ മരിച്ച നിലയില്‍ കണ്ടെത്തിയത്.
മരണത്തില്‍ ദുരൂഹതയുള്ളതിനാല്‍ അന്വേഷിക്കണമെന്ന ആവശ്യം ഉയര്‍ന്നിരുന്നു. പോസ്റ്റ്‌മോര്‍ട്ടം റിപ്പോര്‍ട്ട് പ്രകാരം സ്വഭാവികമരണമാണെന്ന് പൊലിസ് അറിയിച്ചു.
സെറിബ്രല്‍ ഹെമിറ്റേജിനെ തുടര്‍ന്ന് മസ്തിഷ്‌കത്തില്‍ രക്തം കട്ട പിടിച്ചാണ് മരണം സംഭവിച്ചിരിക്കുന്നതെന്നാണ് പോസ്റ്റ് മോര്‍ട്ടം റിപ്പോര്‍ട്ട്. കൂടാതെ, മരണസമയത്ത് സത്യന് വൃക്കരോഗിയായിരുന്നതായും കണ്ടെത്തിയിട്ടുണ്ട്.