ന്യൂഡല്‍ഹി: മാധ്യമപ്രവര്‍ത്തകരുടെ ചോദ്യങ്ങള്‍ക്ക് ഉത്തരം പറയാനാവാതെ അവന്‍ തേങ്ങിക്കരയുകയാണ്. അവന് വീട്ടിലെത്തണം. കഴിഞ്ഞ മൂന്നു ദിവസമായ ആളൊഴിഞ്ഞ ഡല്‍ഹി നഗരത്തിലൂടെ അവന്‍ അലയുകയാണ്. വീട്ടിലെത്താന്‍ എന്തെങ്കിലും ഒരു വഴി തേടി.

ഇത് ബിഹാറില്‍ നിന്നുള്ള ബാലന്‍. ഡല്‍ഹിയില്‍ നിര്‍മാണത്തൊഴിലാളിയാണ്. കൊവിഡും അതേത്തുടര്‍ന്നുണ്ടായ നിയന്ത്രണങ്ങളുമാണ് അവനെ വെട്ടിലാക്കിയത്. മൂന്നു ദിവസമായി അന്നവും വെള്ളവും പെലുമില്ലാതെയാണ് അവന്റെ അലച്ചില്‍. കിടക്കാന്‍ ഒരിടം പോലും അവന് ഈ നഗരത്തിലില്ല. വൈറസ് ബാധയെ കുറിച്ച ഭീതിയും വിശപ്പുമെല്ലാം ചേര്‍ന്ന് വല്ലാത്ത ഒരവസ്ഥയിലായിരുന്നു അവന്‍.

എന്‍.ഡി.ടി.വിയാണ് ബാലന്‍രെ ദൃശ്യങ്ങള്‍ പുറത്തുവിട്ടത്. ഇത് ഒരാളുടെ മാത്രം കാര്യമല്ല. നിരവധി പേരാണ് രാജ്യത്ത് പലയിടങ്ങളിലായി പെട്ടു പോയിരിക്കുന്നത്. ഇവരുടെ കാര്യത്തില്‍ സര്‍ക്കാറുകള്‍ ഒരു നടപടിയും സ്വീകരിച്ചിട്ടില്ല.

ഈ ബാലന്റെ വാര്‍ത്ത വൈറലായതോടെ തേജസ്വി യാദവിനെ പോലുള്ളവര്‍ രംഗത്തെത്തിയിട്ടുണ്ട്. ഇക്കാര്യം ശ്രദ്ധിക്കണമെന്ന് ആവശ്യപ്പെട്ട് തേജസ്വി ട്വീറ്റ് ചെയ്തു.