റിയാദ്: സഊദിയില്‍ പൊതു ഗതാഗത അതോറിറ്റി സ്വകാര്യ ടാക്‌സി രംഗത്ത് ആദ്യമായി ഹൈഡ്രജന്‍ കാറിന്റെ ട്രയല്‍ റണ്‍ ആരംഭിച്ചു. ശുദ്ധമായ ഊര്‍ജത്തെ ആശ്രയിക്കുന്നതും, കാര്‍ബണ്‍ പുറന്തള്ളല്‍ നിരക്ക് പൂജ്യമാണെന്നതുമാണ് ഹൈഡ്രജന്‍ കാറിന്റെ സവിശേഷത. 

കൂടാതെ പരിസ്ഥിതി സൗഹൃദവും സുസ്ഥിരവുമാണ്. മാത്രമല്ല ഉയര്‍ന്ന പ്രകടനവും കാര്യക്ഷമതയും ഇതിന്റെ സവിശേഷതയാണ്. ഹൈഡ്രജനില്‍ എന്‍ജിന്‍ പ്രവര്‍ത്തിക്കുന്നത് ശബ്ദരഹിതമായാണ്, ഇത് ശബ്ദമലിനീകരണം കുറക്കാന്‍ സഹായിക്കും. ഒരു ദിവസം എട്ട് മണിക്കൂര്‍ വരെ പ്രവര്‍ത്തനശേഷിയുള്ളതിനാല്‍ 350 കി.മീ വരെ സഞ്ചരിക്കാനാവും.

ഗതാഗതരംഗത്തെ സുസ്ഥിരതക്കും, കാര്‍ബണ്‍ ബഹിര്‍ഗമനം കുറക്കുന്നതിനുമായി നിരവധി നൂതന സാങ്കേതിക സംരംഭങ്ങളും ഉപാധികളും ചേര്‍ന്ന പദ്ധതികള്‍ പൊതുഗതാഗത അതോറിറ്റി ഇതിനകം ആരംഭിച്ചിട്ടുണ്ട്. ഇലക്ട്രിക് പാസഞ്ചര്‍ ബസുകള്‍, ഡ്രൈവറില്ലാതെ ഓടുന്ന ബസുകള്‍ തുടങ്ങിയവയെല്ലാം ഇക്കൂട്ടത്തില്‍പെട്ടതാണ്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Saudi Arabia's Public Transport Authority has launched a trial run of hydrogen-powered taxis, promoting eco-friendly transportation and reducing carbon emissions. This innovative step aligns with Saudi Vision 2030's sustainability goals.