പാണ്ടിക്കാട്: വളരാട് പ്രദേശത്ത് വ്യാജമദ്യ, മയക്കുമരുന്ന് വില്‍പന ഇടവേളക്ക് ശേഷം വീണ്ടും സജീവമാകുന്നതായി നാട്ടുകാരുടെ പരാതി. രണ്ടുമസംമുമ്പ് ഇവിടത്തെ വ്യാജ മദ്യ മയക്കുമരുന്ന് വില്‍പനക്കെതിരേ നാട്ടുകാര്‍ ഒന്നടങ്കം സംഘടിച്ച് 'ലഹരി വിമുക്ത' വളരാട് എന്നപേരില്‍ കൂട്ടായ്മ രൂപീകരിച്ച്  പ്രവര്‍ത്തനം തുടങ്ങിയതിനെ തുടര്‍ന്ന് എക്‌സൈസ്, പൊലിസ് സഹായത്തോടെ രണ്ട് മദ്യ വില്‍പനക്കാരെ തൊണ്ടിസഹിതം പിടികൂടിയിരുന്നു. ഇവര്‍ ജാമ്യത്തിലിറങ്ങി വീണ്ടും അനധികൃത മദ്യവില്‍പന ആരംഭിച്ചിട്ടുണ്ടെന്നാണ് നാട്ടുകാര്‍ പറയുന്നത്. ഇതിന്തടയിടാന്‍ അധികൃതരുടെ ഭാഗത്തുനിന്ന് നടപടിയുണ്ടായില്ലെങ്കില്‍ സ്ത്രീകള്‍ ഉള്‍പ്പെടെയുള്ളവരെ അണിനിരത്തി ശക്തമായ പ്രക്ഷോഭത്തിനൊരുങ്ങുകയാണ് നാട്ടുകാര്‍.