തിരുവനന്തപുരം: മാധ്യമപ്രവര്‍ത്തകന്‍ പി. വേണുഗോപാലിന്റെ 'ബ്ലോ എഗേന്‍, നോര്‍ത്ത് വിന്‍ഡ്'എന്ന ഇംഗ്ലീഷ് കവിതാ സമാഹാരം പ്രകാശനം ചെയ്തു. തിരുവനന്തപുരം പ്രസ് ക്ലബില്‍ നോവലിസ്റ്റും കവിയുമായ ടി.പി രാജീവന്‍ വിവര്‍ത്തകനും കവിയുമായ രവിശങ്കറിന് (റാഷ്) നല്‍കിയാണ് പുസ്തകത്തിന്റെ പ്രകാശനം നിര്‍വഹിച്ചത്. കവിത കീഴടങ്ങലിന്റെ കഥയാണെന്ന് ടി.പി. രാജീവന്‍ പറഞ്ഞു.
ചടങ്ങില്‍ പ്രസ് ക്ലബ് പ്രസിഡന്റ് ആര്‍. അജിത്കുമാര്‍ അധ്യക്ഷനായി. മാങ്ങാട് രത്‌നാകരന്‍ പുസ്തകം പരിചയപ്പെടുത്തി. ആര്‍. ജോര്‍ജ്, ബി. മുരളിഎന്നിവര്‍ പ്രസംഗിച്ചു. പി. വേണുഗോപാല്‍ മറുപടി പ്രസംഗം നടത്തി. പ്രസ് ക്ലബ് സെക്രട്ടറി എസ്.എല്‍ ശ്യാം സ്വാഗതവും ചെറുകഥാകൃത്ത് പി. രവിവര്‍മ്മ നന്ദിയും പറഞ്ഞു.