എടപ്പാള്‍: കടുത്ത വേനലില്‍ നിളയില്‍ പലയിടത്തും ജലമില്ലാതായതോടെ ജല വിതരണത്തിന് ബദല്‍ സംവിധാനവുമായി വാട്ടര്‍ അതോറിറ്റി രംഗത്തിറങ്ങുന്നു.
തിരുന്നാവായ മേഖലയില്‍ താല്‍ക്കാലികാവശ്യത്തിന് ജലമുളളതിനാല്‍ അത്യാവശ്യ ഘട്ടങ്ങില്‍ ടാങ്കറില്‍ ജലം നല്‍കാനുള്ള നീക്കമാണ് നടക്കുന്നത്. ഗ്രാമപഞ്ചായത്തുകളുടെ തീരുമാനത്തിന്റെ പകര്‍പ്പും ടാങ്കര്‍ ലോറിയുമായി എത്തുന്നവര്‍ക്ക് ഇവിടെ നിന്ന് ജലം നല്‍കും.
 ജനങ്ങള്‍ക്ക് കുടിവെളളാവശ്യത്തിന് വിതരണം ചെയ്യാന്‍ ജലം കിട്ടാതെ പ്രയാസപ്പെടുന്നത് ഒഴിവാക്കാനാണ് ഈ നീക്കമെന്ന് മലപ്പുറം സൂപ്രണ്ടണ്ടിങ് എന്‍ജിനിയര്‍ മാധവന്‍ അറിയിച്ചു. ജലക്ഷാമം തരണം ചെയ്ത് ജനത്തിന്റെ പ്രയാസത്തിന് അറുതി വരുത്താനാണ് ടാങ്കറില്‍ ജലം നിറച്ചു നല്‍കാന്‍ തീരുമാനിച്ചിട്ടുളളത്. ജലദുരുപയോഗം തടയാനായി കര്‍ശന പരിശോധനകള്‍ ആരംഭിച്ചതായും പിടികൂടുന്നവര്‍ക്കെതിരേ നടപടിയെടുക്കുമെന്നും ജലവിഭവ ഉദ്യേഗസ്ഥര്‍ അറിയിച്ചു.