മൂവാറ്റുപുഴ: റീജിയണല്‍ ട്രാന്‍സ്‌പോര്‍ട്ട് ഓഫീസിന്റെ നേതൃത്വത്തില്‍ 29ാമത് റോഡ് സുരക്ഷാ വാചാരണത്തിന്റെ ഭാഗമായി കൊച്ചിന്‍ ഒഫ്താല്‍മിക് ക്ലബ്ബിന്റെയും നെടുംചാലില്‍ കണ്ണാശുപത്രിയുടെയും സഹകരണത്തോടെ ഡ്രൈവര്‍മര്‍ക്കായി സൗജന്യ നേത്രപരിശോധന ക്യാംപ് നടത്തി.
ക്യാംപിന്റെ ഉദ്ഘാടനം നഗരസഭാ കൗണ്‍സിലര്‍ ഷൈല അബ്ദുള്ള ഉദ്ഘാടനം ചെയ്തു. റീജീയണല്‍ ട്രാന്‍സ്‌പോര്‍ട്ട് ഓഫീസര്‍ എ.കെ ശശികുമാര്‍ അധ്യക്ഷത വഹിച്ചു.
ജോയിന്റ് ആര്‍.ടി.ഒ റ്റി.എം ജെര്‍സണ്‍, എം.വി.ഐമാരായ പി.എ സമീര്‍, കെ.ബി അഭിലാഷ്, എ.എം.വി.ഐമാരായ വി.കെ വല്‍സണ്‍, സി.എസ് ജോര്‍ജ്, ബെന്നി വര്‍ഗീസ്, പ്രിന്‍സ് പീറ്റര്‍, അജി കുര്യാക്കോസ് എന്നിവര്‍ സംസാരിച്ചു. നേതൃപരിശോധന ക്യാംപിനോടനുബന്ധിച്ച് നടന്ന റോഡ് സുരക്ഷാ ബോധവല്‍ക്കരണ ക്ലാസിന് ജോയിന്റ് ആര്‍.ടി.ഒ റ്റി.എം ജെര്‍സണ്‍ നേതൃത്വം നല്‍കി.