കൊച്ചി: ശ്രീജിത്തിന്റെ കസ്റ്റഡി മരണത്തിന് മുഖ്യ ഉത്തരവാദിയായ റൂറല്‍ എസ്.പിയുടെ പേരില്‍ കൊലക്കുറ്റത്തിന് കേസ് എടുക്കണമെന്ന് യു.ഡി.എഫ് ജില്ലാ കമ്മിറ്റി ആവശ്യപ്പെട്ടു. കീഴുദ്യോഗസ്ഥരുടെ പേരില്‍ കേസ് എടുത്ത് റൂറല്‍ എസ്.പിയെ രക്ഷിക്കുവാന്‍ സര്‍ക്കാര്‍ ശ്രമിക്കുകയാണെന്ന് യോഗം കുറ്റപ്പെടുത്തി. ഒരു ദിവസം മുഴുവന്‍ എറണാകുളത്ത് മുഖ്യമന്ത്രി ഉണ്ടായിരുന്നിട്ടും ശ്രീജിത്തിന്റെ വീട് സന്ദര്‍ശിക്കാത്തത് ധിക്കാരപരമായ നിലപാടാണ്. ശ്രീജിത്ത് അടക്കം പൊലിസിന്റെ വീഴ്ചമൂലം ജില്ലയില്‍ മരണപ്പെട്ടവരുടെ കുടുംബങ്ങള്‍ക്ക് നഷ്ടപരിഹാരം നല്‍കുക, കുറ്റക്കാരായ ഉയര്‍ന്ന ഉദ്യോഗസ്ഥരുടെ പേരില്‍ കൊലക്കുറ്റത്തിന് കേസ് എടുക്കുക തുടങ്ങിയ ആവശ്യങ്ങള്‍ ഉന്നയിച്ച് മെയ് എട്ടിന് യു.ഡി.എഫ് എറണാകുളം ജില്ലാ കമ്മിറ്റിയുടെ നേതൃത്വത്തില്‍ പതിനായിരം പേരെ പങ്കെടുപ്പിച്ചുകൊണ്ട് എറണാകുളം കലക്ടറേറ്റ് ഉപരോധിക്കാന്‍ യോഗം തീരുമാനിച്ചു.
യു.ഡി.എഫ് കണ്‍വീനര്‍ പി.പി തങ്കച്ചന്‍ യോഗം ഉദ്ഘാടനം ചെയ്തു. ജില്ലാ ചെയര്‍മാന്‍ എം.ഒ ജോണ്‍ അധ്യക്ഷത വഹിച്ചു. എം.എല്‍.എമാരായ എല്‍ദോസ് കുന്നപ്പിള്ളി, അന്‍വര്‍ സാദത്ത്, എന്‍.വേണുഗോപാല്‍, വി.ജെ.പൗലോസ്, ലൂഡി ലൂയീസ്, അബ്ദുള്‍ മുത്തലിബ്, ജില്ലാ കണ്‍വീനര്‍ വിന്‍സന്റ് ജോസഫ്, മുസ്‌ലിം ലീഗ് ജില്ലാ പ്രസിഡന്റ് കെ.എം.അബ്ദുള്‍ മജീദ്, ആര്‍എസ്പി ജില്ലാ പ്രസിഡന്റ് ജോര്‍ജ് സ്റ്റീഫന്‍, സിഎംപി ജില്ലാ സെക്രട്ടറി പി.രാജേഷ്, ഫോര്‍വേഡ് ബ്ലോക്ക് സംസ്ഥാന കമ്മിറ്റിയംഗം ടി.ആര്‍.ദേവന്‍, കോണ്‍ഗ്രസ് നേതാക്കളായ എം.പ്രേമചന്ദ്രന്‍, ഐ.കെ.രാജു, വിജയലക്ഷമി ടീച്ചര്‍, എന്‍.പി.പൗലോസ്, കെ.രജികുമാര്‍, എം.ആര്‍.അഭിലാഷ്,, ലത്തീഫ് ആലുവ, സേവ്യര്‍ തായങ്കരി, പത്മനാഭന്‍ മാസ്റ്റര്‍, ജോഷി പള്ളന്‍, എന്‍.കെ.സച്ചു, പോളച്ചന്‍ മണിയങ്കോട്, കെ.വൈ.യൂസഫ് എന്നിവര്‍ പ്രസംഗിച്ചു.