മനാമ: ബഹ്‌റൈനില്‍ പൊലിസുകാരെന്ന വ്യാജേനെ എത്തി കവര്‍ച്ച നടത്തിയ രണ്ടംഗ സംഘം പൊലിസ് പിടിയിലായി.മൂന്നു പേരെ ആക്രമിക്കുകയും അവരുടെ ഫോണും ഇലക്ട്രാണിക് ഉപകരണം തട്ടിയെടുക്കുകയും ചെയ്ത കേസിലെ പ്രതികളെ പിടികൂടിയതായി നോര്‍ത്തേണ്‍ ഗവര്‍മറേറ്റ് പൊലീസ് ജനറല്‍ ഡയറക്ടര്‍ അറിയിച്ചു.

3000 ദിനാറിന്റെ കവര്‍ച്ച നടത്തിയ സംഘം കവര്‍ച്ചാ മുതലുകള്‍ ലോറിയില്‍ കയറ്റുമ്പോഴാണു പൊലിസിന്റെ പിടിയിലായത്. ഒന്നാം പ്രതി നല്‍കിയ മൊഴിയുടെ അടിസ്ഥാനത്തിലാണ് രണ്ടാം പ്രതി പിടിയിലായത്. പ്രതിയുടെ വീട്ടില്‍ നിന്നും കവര്‍ച്ചാ മുതലുകള്‍ കണ്ടെടുത്തു. നിയമ നടപടികള്‍ പൂര്‍ത്തീകരിച്ച് കേസ് പ്രോസിക്യൂഷനു കൈമാറും.