കൊല്ലങ്കോട്: കൊല്ലങ്കോട് ബ്ലോക്ക് പഞ്ചായത്ത് പരിധിയിലെ കാര്‍ഷിക മേഖലയില്‍ വിവിധ വിളകള്‍ക്ക് കീടനാശിനികള്‍ തളിക്കുന്നവരുടെ വിവരങ്ങള്‍ ശേഖരിക്കുന്നു. കളനാശിനികള്‍, കീടനാശിനികള്‍ എന്നിവ കൃഷിയിടങ്ങളില്‍ തളിക്കുന്ന ജോലിയില്‍ ഏര്‍പ്പെട്ടിരിക്കുന്ന കാര്‍ഷിക തൊഴിലാളികളുടെ വിവരശേഖരണമാണ് പ്രദേശങ്ങളിലെ കൃഷി ഓഫിസിലൂടെ ശേഖരിക്കുന്നത്.
കൊല്ലങ്കോട് ബ്ലോക്ക് പരിധിയിലെ കൊല്ലങ്കോട്, മുതലമട, വടവന്നൂര്‍, പട്ടഞ്ചേരി, പെരുവെമ്പ, പുതുനഗരം, കൊടുവായൂര്‍, പല്ലശ്ശന എന്നീ പഞ്ചായത്തുകളില്‍ കീടനാശിനി തളിക്കുന്ന തൊഴില്‍ ചെയ്യുന്ന എല്ലാവരും ഒരാഴ്ചക്കുള്ളില്‍ അതാതു കൃഷി ഭവനുകളില്‍ പേര് രജിസ്റ്റര്‍ ചെയ്യണമെന്ന് കൊല്ലങ്കോട് കൃഷി അസിസ്റ്റന്റ് ഡയറക്ടര്‍ അറിയിച്ചു.