തൃശൂര്‍: മാര്‍ച്ച് 31, ഏപ്രില്‍ 1,2 തിയ്യതികളില്‍ തൃശൂരില്‍ നടക്കുന്ന എസ്.കെ.എസ്.എസ്.എഫ് മദീനാ പാഷനോടനുബന്ധിച്ച് യൂണിറ്റ്, ക്ലസ്റ്റര്‍, മേഖലാ ഭാരവാഹികളുടെ യോഗം 'മദീനാ പാഷന്‍ ഇന്‍തിബാഹ് ' 17, 18 തിയ്യതികളില്‍ ജില്ലയില്‍ നാല് ഭാഗങ്ങളിലായി നടക്കും.
17 ന് വൈകിട്ട് നാലിന് കൊടുങ്ങല്ലൂര്‍, കൈപ്പമംഗലം, നാട്ടിക മേഖകളിലെ ഭാരവാഹികള്‍ക്ക് ചെന്ത്രാപ്പിന്നി സമസ്ത ഓഫീസിലും വൈകിട്ട് ഏഴിന് ദേശമംഗലം, വടക്കാഞ്ചേരി, പഴയന്നൂര്‍ മേഖലകളിലെ ഭാരവാഹികള്‍ക്ക് മുള്ളൂര്‍ക്കര മദ്രസ്സയിലും 18 ന് കാലത്ത് 10 മണിക്ക് ചാവക്കാട്, കുന്നംകുളം, വടക്കേക്കാട് മേഖലകളിലെ ഭാരവാഹികള്‍ക്ക് ഗുരുവായൂര്‍ ലൈബ്രറി ഹാളിലും വൈകിട്ട് നാലിന് തൃശൂര്‍, വെള്ളാങ്ങല്ലൂര്‍, മാള, പാലപ്പിള്ളി മേഖലകളിലെ ഭാരവാഹികള്‍ക്ക് ചേര്‍പ്പ് ചിറക്കല്‍ മദ്രസയിലും 'ഇന്‍തിബാഹ്' നടക്കും.
യൂണിറ്റ്, ക്ലസ്റ്റര്‍, മേഖലകളിലെ പ്രസിഡന്റ് സെക്രട്ടറിമാര്‍ നിശ്ചയിക്കപ്പെട്ട കേന്ദ്രങ്ങളില്‍ നിര്‍ബന്ധമായും യോഗത്തില്‍ പങ്കെടുക്കണമെന്ന് ജില്ലാ പ്രസിഡന്റ് സിദ്ദീഖ് ബദ്‌രി, ജനറല്‍ സെക്രട്ടറി ഷെഹീര്‍ ദേശമംഗലം അറിയിച്ചു.