ന്യൂഡല്‍ഹി: രാജ്യത്ത് എവിടെയെങ്കിലും കോണ്‍ഗ്രസുമായി മുന്നണിയുണ്ടാക്കി സി.പി.എം മത്സരിക്കില്ലെന്ന് സംസ്ഥാന സെക്രട്ടറി കോടിയേരി ബാലകൃഷ്ണന്‍.
ബംഗാളില്‍ കോണ്‍ഗ്രസുമായി ധാരണയുണ്ടാക്കുമോയെന്ന ചോദ്യത്തിന് ബി.ജെ.പിയെ തോല്‍പ്പിക്കാന്‍ നീക്കുപോക്കുകളുണ്ടാക്കേണ്ടതു സംബന്ധിച്ച തീരുമാനം അതത് ഘടകങ്ങളാണ് എടുക്കുകയെന്നും അക്കാര്യം പാര്‍ട്ടി കോണ്‍ഗ്രസ് പ്രമേയത്തിലൂടെ വ്യക്തമാക്കിയിട്ടുണ്ടെന്നും കോടിയേരി പറഞ്ഞു.
കേന്ദ്രസര്‍ക്കാരിനെതിരേ ഏറ്റവും ശക്തമായ പ്രചാരണം നടത്തുന്നത് സി.പി.എമ്മാണ്.
ലാവ്‌ലിന്‍ കേസൊക്കെ അവസാനിച്ചതാണെന്നും ഹൈക്കോടതി തള്ളിയതാണെന്നും ഇതു സംബന്ധിച്ച മുല്ലപ്പള്ളിയുടെ പ്രസ്താവനയോട് പ്രതികരിക്കവെ കോടിയേരി പറഞ്ഞു.
മുല്ലപ്പള്ളി രാമചന്ദ്രന് സി.പി.എം വിരോധമാണ് മുഖ്യമായുള്ളത്.
റാഫേല്‍ മറച്ചുപിടിക്കാനാണ് ലാവ്‌ലിന്‍ എന്നു പറഞ്ഞു വരുന്നതെന്നും കോടിയേരി പറഞ്ഞു.