കൊല്‍ക്കത്ത: ഇന്ത്യന്‍ ക്രിക്കറ്റ് ടീം കോച്ചിന്റെ സ്ഥാനത്തേക്കു അപേക്ഷിച്ചവരില്‍ നിന്നു തിരഞ്ഞെടുത്ത 21 പേരുമായി ബി.സി.സി.ഐ അഡൈ്വസറി കമ്മിറ്റി ഇന്നു കൂടിക്കാഴ്ച നടത്തും. 57 പേരുടെ അപേക്ഷയില്‍ നിന്നു തിരഞ്ഞെടുത്ത 21 പേരെയാണ് ഇന്നു ഇന്റര്‍വ്യൂ ചെയ്യുന്നത്.

അഡൈ്വസറി കമ്മിറ്റി അംഗങ്ങളായ സൗരവ് ഗാംഗുലി, വി.വി.എസ് ലക്ഷ്മണ്‍, സച്ചിന്‍ ടെണ്ടുല്‍ക്കര്‍ എന്നിവരാണ് കൂടിക്കാഴ്ചക്ക് നേതൃത്വം നല്‍കുന്നത്.

സ്ഥലത്തില്ലാത്തതിനാല്‍ സച്ചിന്‍ ലണ്ടനില്‍ നിന്നു വീഡിയോ കോണ്‍ഫറന്‍സ് വഴിയാണ് പങ്കെടുക്കുന്നത്. ഇന്നു ഉച്ചയ്ക്ക് ഒന്നര മുതലാണ് കൂടിക്കാഴ്ച.