ഗൂഡല്ലൂര്‍: താലൂക്ക് മുസ്്‌ലിം യതീംഖാനയുടെ കീഴില്‍  ദേവര്‍ശോലയില്‍ നിര്‍മ്മാണം പൂര്‍ത്തിയാക്കിയ മുഹമ്മദലി ശിഹാബ് തങ്ങള്‍ സ്മാരക അറബിക് കോളജിന്റെ പുതിയ കെട്ടിടോദ്ഘാടനം 19ന് ഉച്ചക്ക് രണ്ടിന് ജില്ലാ ഖാസി പാണക്കാട് ഹൈദരലി ശിഹാബ് തങ്ങള്‍ നിര്‍വഹിക്കും. പ്രസിഡന്റ് കെ.പി മുഹമ്മദ് ഹാജി അധ്യക്ഷനാകും. സമസ്ത കേരള ജംഇയ്യത്തുല്‍ ഉലമ ജന. സെക്രട്ടറി പ്രൊ. കെ. ആലിക്കുട്ടി മുസ്‌ലിയാര്‍ മുഖ്യപ്രഭാഷണം നടത്തും. വെല്ലൂര്‍ ബാഖിയാത്തു സ്വാലിഹാത്ത് അറബിക് കോളജ് പ്രൊ. മൗലാനാ ഹാഫിള് അബ്ദുല്‍ ഹമീദ് ബാഖവി ഹസ്രത്ത്, എസ്.വൈ.എസ് സ്റ്റേറ്റ് ട്രഷറര്‍ കെ. മമ്മദ് ഫൈസി, എസ്.എം.എഫ് സ്റ്റേറ്റ് വൈസ് പ്രസിഡന്റ് കാളാവ് സൈതലവി മുസ്‌ലിയാര്‍, കോളജ് സെക്രട്ടറി അബ്ദുല്‍ ബാരി ഹാജി, ട്രഷറര്‍ സുബൈര്‍ ഹാജി, പി.കെ.എം ബാഖവി സംബന്ധിക്കും.
നൂറോളം വിദ്യാര്‍ഥികള്‍ പഠിക്കുന്ന സ്ഥാപനം പട്ടിക്കാട് ജാമിഅ നൂരിയ്യയില്‍ അഫിലിയേറ്റ് ചെയ്ത ജൂനിയര്‍ കോളജാണിത്. പരിപാടിയുടെ വിജയത്തിനായി സ്വാഗത സംഘം ഭാരവാഹികളായി അറബിക് കോളജ് കമ്മിറ്റി അംഗങ്ങള്‍ രക്ഷാധികാരികളും കെ.പി മുഹമ്മദ് ഹാജി (ചെയര്‍), ഇമ്പിച്ചിക്കോയ തങ്ങള്‍ (വൈ. ചെയര്‍), അബ്ദുല്‍ ബാരി ഹാജി (കണ്‍), കെ. ബാപ്പു ഹാജി (സെക്ര), സുബൈര്‍ ഹാജി (ട്രഷ), എസ്.കെ.എസ്.എസ്ഫ് നീലഗിരി ജില്ലാ വിഖായ ടീം വളണ്ടിയേഴ്‌സും ഗൂഡല്ലൂര്‍ പന്തല്ലൂര്‍ താലൂക്കിലെ മുഴുവന്‍ മഹല്ലുകളിലെയും പ്രസിഡന്റ്, സെക്രട്ടറിമാര്‍, സമസ്ത, എസ്.വൈ.എസ്, എസ്.കെ.എസ്.എസ്.എഫ് ജില്ലാ കമ്മിറ്റിയിലെ പ്രസിഡന്റ്, സെക്രട്ടറിമാര്‍ എന്നിവര്‍ മെമ്പര്‍മാരായും തെരഞ്ഞെടുത്തു.