മനാമ: രാജ്യത്ത് അനുദിനം വര്‍ധിച്ചുവരുന്ന പാര്‍ക്കിങ് പ്രശ്‌നം പരിഹരിക്കാന്‍ ശ്രമം. പാര്‍ക്കിങ് പ്രശ്‌നത്തിന് പരിഹാരമായി തിരക്കേറിയ പ്രദേശങ്ങളിലെ ഉപയോഗിക്കാത്ത സ്ഥലങ്ങളെല്ലാം ബഹുനില കാര്‍ പാര്‍ക്കുകളായി മാറ്റാനുള്ള പദ്ധതിയാണ് ഇപ്പോള്‍ തയാറാക്കിയിരിക്കുന്നത്. 

സ്ട്രാറ്റജിക് തിങ്കിങ് ബ്ലോക്കിലംഗമായ എം.പി ബസ്മ മുബാറക്ക് അവതരിപ്പിച്ച പദ്ധതി ജനപ്രതിനിധി കൗ ണ്‍സില്‍ ഏകകണ്ഠമായി പാസാക്കി. കാറുകളുടെ എണ്ണം ദിനംപ്രതി വര്‍ധിക്കുന്നതായാണ് കണക്കുകള്‍, വരും വര്‍ഷങ്ങളില്‍ അതു വീണ്ടും ഉയരും.

പാര്‍ക്കിങ് പ്രശ്‌നം ഇപ്പോള്‍ തന്നെ അതിരൂക്ഷമാണ്. പാര്‍ക്കിങ് സ്ഥലത്തെചൊല്ലി അയല്‍ക്കാര്‍ തമ്മില്‍ വാഗ്വാദമുണ്ടാകുന്നതടക്കമുള്ള വിഷയങ്ങള്‍ ചൂണ്ടിക്കാട്ടിയാണ് എം.പി നിര്‍ദേശം മുന്നോട്ടുവെച്ചത്. നിലവിലുള്ള പാര്‍ക്കിങ് ഇടങ്ങളുടെ വ്യാപ്തി വര്‍ധിപ്പിക്കുക, ഒറ്റനില പാര്‍ക്കിങ് ഇടങ്ങള്‍ ബഹുനിലയാക്കി മാറ്റുക തുടങ്ങിയ നിര്‍ദേശങ്ങളും എം.പി മുന്നോട്ടുവെച്ചിരുന്നു.

ഉപയോഗിക്കാതെ കിടക്കുന്ന പ്ലോട്ടുകള്‍, കാര്‍ പാര്‍ക്കുകളായി മാറ്റാനുള്ള നിര്‍ദേശം എല്ലാവരും അംഗീരിക്കുകയായിരുന്നു. പദ്ധതി നടപ്പാക്കുമ്പോള്‍ ഓരോ പ്രദേശത്തെയും താമസക്കാര്‍ക്ക് മുന്‍ഗണന ലഭിക്കും. എം.പിമാരായ അബ്ദുല്‍ഹക്കീം അല്‍ഷാനോ, അലി സഖര്‍, ജമീല്‍ മുല്ല ഹസന്‍, അഹമ്മദ് അല്‍സ ലൂം എന്നിവര്‍ ബസ്മ മുബാറക്കിന്റെ നിര്‍ദേശം ഉടനടി നടപ്പാക്കണമെന്ന അഭിപ്രായക്കാരാണ്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Bahrain tackles parking challenges by transforming unused areas into modern multilevel car parks, enhancing urban mobility and smart city infrastructure.