കോഴിക്കോട്: പുതുപ്പാടി അടിവാരം പൊട്ടിക്കൈയില്‍ മലവെള്ളപ്പാച്ചിലില്‍പ്പെട്ട് യുവതി മരിച്ചു. അടിവാരം സ്വദേശി സജ്‌ന (36) ആണ് മരിച്ചത്. തോട്ടില്‍ അലക്കിക്കൊണ്ടിരിക്കെയാണ് അപകടമുണ്ടായത്. ഒപ്പമുണ്ടായിരുന്ന രണ്ട് സ്ത്രീകളാണ് അപകടവിവരം നാട്ടുകാരെ അറിയിച്ചത്. 

അലക്കുന്നതിനിടെ പെട്ടെന്ന് മലവെള്ളം കുത്തിയൊലിച്ച് വരികയായിരുന്നു. തുടര്‍ന്ന് നടത്തിയ തിരച്ചിലില്‍ മൂന്ന് കി.മീറ്റര്‍ അകലെ കൈതപ്പൊയില്‍ രണ്ടാംകൈ ഭാഗത്തുനിന്നാണ് യുവതിയുടെ മൃതദേഹം കണ്ടെത്തിയത്. താമരശ്ശേരി താലൂക്ക് ആശുപത്രിയില്‍ ഇന്‍ക്വസ്റ്റ് നടപടികള്‍ക്ക് ശേഷം മൃതദേഹം കോഴിക്കോട് മെഡിക്കല്‍ കോളജിലേക്ക് മാറ്റും.

women died in kozhikode water splashed while washing in the stream