പാലക്കാട്: ജില്ലയിലെ 100 വായനശാലകള്‍ക്ക് ജില്ലാ പഞ്ചായത്ത് നല്‍കുന്ന ബാലസാഹിത്യ കൃതികളുടെ വിതരണോദ്ഘാടനം ജില്ലാ പഞ്ചായത്ത് പ്രസിഡന്റ് കെ. ശാന്തകുമാരി നിര്‍വഹിച്ചു. ജില്ലാ പഞ്ചായത്ത് ഹാളില്‍  നടന്ന പരിപാടിയില്‍ ലൈബ്രറി കൗണ്‍സില്‍ പ്രസിഡന്റ് ടി.കെ. നാരായണദാസ് അധ്യക്ഷനായി. ലൈബ്രറി കൗണ്‍സില്‍ സംസ്ഥാന സമിതി അംഗം പി.കെ. സുധാകരന്‍, ജില്ലാ സെക്രട്ടറി എം. കാസിം, സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍മാരായ ഡി. ബിനുമോള്‍, കെ. ഗീത സംസാരിച്ചു.
ജില്ലയിലെ ഓരോ പഞ്ചായത്തില്‍ നിന്നും തെരഞ്ഞെടുത്ത ഓരോ ലൈബ്രറിക്ക് 15,000 രൂപയുടെ ബാലസാഹിത്യ പുസ്തകങ്ങളാണ് നല്‍കിയത്.
ഇത്തരത്തില്‍ 100 ലൈബ്രറികള്‍ക്ക്  പുസ്തകങ്ങള്‍ കൈമാറി.ബാലസാഹിത്യ ഇന്‍സ്റ്റിറ്റ്യൂട്ട്, ഗ്രീന്‍, ചിന്ത, ശാസ്ത്രസാഹിത്യ പരിഷത്ത് പ്രസിദ്ധീകരിച്ച പുസ്തകങ്ങളാണ് കൈമാറിയത്.
ജില്ലാ പഞ്ചായത്ത് വാര്‍ഷിക പദ്ധതി പ്രകാരം 15 ലക്ഷം ചെലവില്‍ ഒരു ലൈബ്രറിക്ക് 15,000 രൂപയുടെ പുസ്തകങ്ങളാണ് നല്‍കിയത്.
പദ്ധതി തയ്യാറാക്കി നടപ്പാക്കിയ ജില്ലാ പഞ്ചായത്ത് ഭരണ സമിതിയെ പാലക്കാട് ജില്ലാ ലൈബ്രറി കൗണ്‍സില്‍ പ്രതിനിധികള്‍ അഭിനന്ദിച്ചു.