മലപ്പുറം: വിവിധ ആവശ്യങ്ങളുന്നയിച്ചു ദേശീയ കര്‍ഷക തൊഴിലാളി ഫെഡറേഷന്‍ മലപ്പുറം നിയോജക മണ്ഡലം കമ്മിറ്റിയുടെ നേതൃത്വത്തില്‍ മലപ്പുറം കെ.എസ്.ആര്‍.ടി.സി പരിസരത്ത് സായാഹ്ന ധര്‍ണ നടത്തി. ഡി.സി.സി ഉപാധ്യക്ഷന്‍ വീക്ഷണം മുഹമ്മദ് ഉദ്ഘാടനം ചെയ്തു. എന്‍.വി അന്‍സാര്‍ അലി അധ്യക്ഷനായി. കപ്പൂര്‍ അബ്ദുറഹ്മാന്‍, എം. വിജയകുമാര്‍, മൊഹ്‌സിന്‍, ഉപ്പൂടന്‍ ഷൗക്കത്ത്, ആസാദ് മോങ്ങം, പി.കെ ഇംതിയാസ്, എന്‍.പി ഉണ്ണി സംസാരിച്ചു. സി.കെ അഫ്‌സല്‍, സാലിഹ് മുട്ടിപ്പടി, മൂന്നുകാരന്‍ ഷമീര്‍, മുരളി പട്ടയില്‍ നേതൃത്വം നല്‍കി.