മങ്കട: മൂന്നര പതിറ്റാണ്ട് രാമപുരം ബ്ലോക്കുപടി അങ്കണവാടിയിലെ കുട്ടികളുടെ പരിചാരികയായി സേവനമനുഷ്ടിച്ചു കഴിഞ്ഞ വര്‍ഷം വിരമിച്ച കരുവള്ളി പാത്തിക്കല്‍ ആഇശ എന്ന ഇമ്മൂട്ടിയെ തേടി സംസ്ഥാന സര്‍ക്കാറിന്റെ 'വനിതാ രത്‌നം' അംഗീകാരം.
സാമൂഹ്യക്ഷേമ വകുപ്പ് 2016ല്‍ ഏര്‍പ്പെടുത്തിയ മലപ്പുറം ജില്ലയിലെ മികച്ച അങ്കണണവാടി ഹെല്‍പര്‍ക്കുള്ള അവാര്‍ഡ് കഴിഞ്ഞ ദിവസം തിരുവനന്തതപുരത്തു നടന്ന അന്താരാഷ്ട്ര വനിത ദിനാചരണ ചടങ്ങില്‍ ആരോഗ്യ സാമൂഹ്യക്ഷേമ മന്ത്രി കെ.കെ ഷൈലജ ടീച്ചറില്‍നിന്ന് ഏറ്റുവാങ്ങി. രാമപുരം സ്‌കൂള്‍പ്പടി കരുവള്ളി പാത്തിക്കല്‍ അബ്ദുല്‍ ഹക്കീമിന്റെ ഭാര്യയായ ആഇശ വിരമിച്ചതിനു ശേഷം മക്കരപ്പറമ്പിലെ സ്വകാര്യ പ്രീ സ്‌കൂളില്‍ ജോലി ചെയ്യുകയാണ്.