കോഴിക്കോട്: എന്‍ജീനിയറിങ് പ്രവേശന പരീക്ഷയില്‍ മികച്ച റാങ്ക് നേടിയ സന്തോഷത്തിലാണ് കാരന്തൂര്‍ കോണോട്ട് മാലാത്ത് ഫാത്തിമ സുഹറ. സംസ്ഥാന എന്‍ജീനിയറിങ് പരീക്ഷയില്‍ 161 ാം റാങ്കാണ് കുന്ദമംഗലം ഗവ. ഹയര്‍ സെക്കന്‍ഡറിയില്‍ സ്‌കൂളില്‍ നിന്ന് പ്ലസ് ടു കഴിഞ്ഞ ഈ വിദ്യാര്‍ഥി നേടിയത്. ഓള്‍ ഇന്ത്യ എന്‍ട്രന്‍സ് പരീക്ഷയില്‍ ഒ.ബി.സി വിഭാഗത്തില്‍ 2075 ആണ് റാങ്ക്.
എന്‍.ഐ.ടികളില്‍ പ്രവേശനം ലഭിക്കുന്ന ജീ മെയിന്‍ പരീക്ഷ ഫലം കാത്തിരിക്കുകയാണ് ഇപ്പോള്‍ സുഹറ. കൊടുവള്ളി പന്നൂര്‍ സ്വദേശി ജമീലയുടേയും കോണോട്ട് സ്വദേശി അസീസ് സഖാഫിയുടേയും മൂത്ത മകളാണ് ഫാത്തിമ സുഹറ. കുടുംബത്തോടൊപ്പം നാടും സുഹറ നേടിയ വിജയത്തിന്റെ സന്തോഷത്തിലാണ്.