ലക്‌നൗ: ഉത്തര്‍പ്രദേശിലെ കനത്ത തകര്‍ച്ച അംഗീകരിച്ച മുഖ്യമന്ത്രി അഖിലേഷ് യാദവ് തെരഞ്ഞെടുപ്പ് മത്സരത്തില്‍ തങ്ങളുടെ കൂടെയുണ്ടായിരുന്ന കോണ്‍ഗ്രസിനെ തള്ളിപ്പറയാന്‍ തയ്യാറായില്ല. പകരം, സമാജ്‌വാദി പാര്‍ട്ടിയുടെ കോണ്‍ഗ്രസുമായുള്ള സഖ്യം തുടരുമെന്നും അഖിലേഷ് യാദവ് വ്യക്തമാക്കി.

ജനങ്ങളുടെ തീരുമാനം സമാജ്‌വാദി പാര്‍ട്ടി അംഗീകരിക്കുന്നുവെന്നും പുതുതായി വരുന്ന സര്‍ക്കാരിന് എല്ലാവിധ ആശംസകള്‍ നേരുന്നുവെന്നും അദ്ദേഹം പറഞ്ഞു. കോണ്‍ഗ്രസുമായി സഖ്യം രൂപീകരിച്ചതില്‍ താന്‍ വലിയ സന്തോഷവാനാണ്. രണ്ട് യുവനേതാക്കള്‍ കൊണ്ടുവന്ന ഈ സഖ്യം ഭാവിയിലും തുടരുമെന്നും അദ്ദേഹം പറഞ്ഞു.