കുന്നംകുളം:  ബസില്‍ പോക്കറ്റടിച്ചയാളെ നാട്ടുകാര്‍ പിടികൂടി പൊലിസില്‍ എല്‍പ്പിച്ചു. കൊച്ചി പള്ളുരുത്തി മുണ്ടക്കല്‍ വീട്ടില്‍ റസൂലിനെയാണ്(43) നാട്ടുകാരും ഓട്ടോ തൊഴിലാളികളും ചേര്‍ന്ന് പിടികൂടി പൊലിസില്‍ എല്‍പ്പിച്ചത്.
ശനിയാഴ്ച വൈകിട്ട് 7 മണിയോടെ കേച്ചേരിയിലാണ് സംഭവം. കുന്നംകുളത്ത് നിന്ന് ത്യശൂരിലേക്ക് പോകുകയായിരുന്ന സ്വകാര്യ ബസിലായിരുന്നു പോക്കറ്റടി നടന്നത്. ആളൂര്‍ സ്വദേശി സത്യപാലന്‍ കേച്ചേരിസ്റ്റോപ്പില്‍ ഇറങ്ങുന്നതിന് ബസ്സിന്റെ ചവിട്ടുപടിയില്‍ നില്‍ക്കുമ്പോള്‍ റസൂല്‍ പിറകില്‍ നിന്ന് പോക്കറ്റടിക്കുകയായിരുന്നു.
ബസില്‍ നിന്ന് ഇറങ്ങിയ ഉടനെ റസൂല്‍ ഓടിയതോടെ സംശയം തോന്നിയ സത്യപാലന്‍പോക്കറ്റ് പരിശോധിച്ചപ്പോഴാണ് പണം നഷ്ടപ്പെട്ട വിവരം മനസ്സിലാക്കുന്നത്. തുടര്‍ന്ന് ബഹളം വെച്ചതോടെ നാട്ടുകാരും ഓട്ടോ ഡ്രൈവര്‍മാരും ഇയാളെ പിന്‍തുടര്‍ന്ന് പിടികൂടുകയായിരുന്നു.
നാട്ടുക്കാര്‍ വിവരമറിയച്ചതനുസരിച്ച് കുന്നംകുളത്ത് നിന്ന് അഡീഷ്ണല്‍ എസ്.ഐ ഇഗ്‌നി പോളിന്റെ നേതൃത്വത്തില്‍ എത്തിയ പൊലിസ് റസൂലിനെ കസ്റ്റഡിയിലെടുത്തു.