കോഴിക്കോട്: എസ്.കെ.എസ്.എസ്.എഫ് റമദാന്‍ കാംപയിനിന്റെ ഭാഗമായി ഖുര്‍ആന്‍ സ്റ്റഡി സെന്റര്‍ കേന്ദ്ര കമ്മിറ്റിയുടെ ആഭിമുഖ്യത്തില്‍ കോഴിക്കോട് അരയിടത്തുപാലത്ത് സംഘടിപ്പിക്കുന്ന 14ാമത് റമദാന്‍ പ്രഭാഷണത്തിന്ന് 25 ന് തുടക്കമാകും.

ആയിരങ്ങള്‍ക്ക് ഇരുന്ന് പ്രസംഗം ശ്രവിക്കാന്‍ സൗകര്യങ്ങള്‍ സംവിധാനിച്ച സൈനുല്‍ ഉലമാ ചെറുശ്ശേരി ഉസ്താദ് നഗരിയില്‍ എല്‍.സി.ഡി ടിവി വഴി പ്രസംഗം കേള്‍ക്കാന്‍ സ്ത്രീകള്‍ക്ക് പ്രത്യേക ഇരിപ്പിടവും ഒരുക്കിയിട്ടുണ്ട്. രാവിലെ 8.30 ന് ആരംഭിക്കുന്ന പരിപാടിയില്‍ ജൂണ്‍ 25, 26 തിയതികളില്‍ അന്‍വര്‍ മുഹ്‌യുദ്ദീന്‍ ഹുദവി ആലുവയും. 27, 28 ഇബ്‌റാഹിം ഖലീല്‍ ഹുദവി അല്‍ മാലിക്കി കാസര്‍കോടും, ജൂലൈ രണ്ടിന് സിംസാറുല്‍ ഹഖ് ഹുദവിയും, മൂന്ന്,നാല് തിയതികളില്‍ റഹ്്മത്തുല്ലാഹ് ഖാസിമിയും പ്രഭാഷണം നടത്തും.