അഞ്ചല്‍: ഏരൂര്‍ മുസ്‌ലിം ജമാഅത്തിന്റെ നേതൃത്വത്തിലുള്ള പത്തടി കാഞ്ഞുവയല്‍ ഇസ്‌ലാമിക് എഡ്യൂക്കേഷണല്‍ കോംപ്ലക്‌സിന്റെ മുന്‍വശം തകര്‍ന്നു. ഇന്നലെ വൈകുന്നേരമുണ്ടായ ശക്തമായ കാറ്റില്‍ കെട്ടിടത്തിന്റെ മുകള്‍ ഭാഗത്ത് നടന്നുവന്ന നിര്‍മാണ പ്രവര്‍ത്തനങ്ങളുടെ ഏതാനും ഭാഗങ്ങളും നിര്‍മാണ സാമഗ്രികളും താഴെ വീഴുകയായിരുന്നു.
സംഭവസമയം പെയ്ത ചാറ്റല്‍ മഴയെ തുടര്‍ന്ന് നിര്‍മാണത്തൊഴിലാളികളും ജമാഅത്ത് ഭാരവാഹികളും അകത്തെ ഹാളിലായിരുന്നതിനാല്‍ ആരും പരുക്കേല്‍ക്കാതെ രക്ഷപ്പെട്ടു.