കാസര്‍കോട്: എസ്.എസ്.എല്‍.സി പരീക്ഷയില്‍ ജില്ലയില്‍ 97.02 ശതമാനം വിജയം.
ജില്ല കഴിഞ്ഞ വര്‍ഷത്തേക്കാള്‍ വിജയശതമാനം ഉയര്‍ത്തി. കഴിഞ്ഞ തവണ 94.77 ശതമാനമായിരുന്നു വിജയം. ജില്ലയില്‍ 19,261 പേര്‍ പരീക്ഷ എഴുതിയപ്പോള്‍ 18,686 വിദ്യാര്‍ഥികള്‍ ഉന്നത പഠനത്തിന് യോഗ്യത നേടി.
കാസര്‍കോട് ഉപജില്ലയില്‍ 5,454 ആണ്‍കുട്ടികളും 5,086 പെണ്‍കുട്ടികളുമടക്കം 10540 വിദ്യാര്‍ഥികള്‍ പരീക്ഷയെഴുതിയപ്പോള്‍ 10,112 വിദ്യാര്‍ഥികള്‍ ഉന്നത പഠനത്തിന് യോഗ്യത നേടി. 96 ശതമാനം വിജയമാണ് കാസര്‍കോട് ഉപജില്ലയില്‍ ഉണ്ടായിരിക്കുന്നത്. ഉപജില്ലയിലെ 14 സര്‍ക്കാര്‍ സ്‌കൂളുകള്‍ 100 ശതമാനം വിജയം നേടി.
കാഞ്ഞങ്ങാട് ഉപജില്ലയില്‍ 4,573 ആണ്‍കുട്ടികളും 4,148 പെണ്‍കുട്ടികളുമടക്കം 8,721 പേര്‍ പരീക്ഷയെഴുതിയപ്പോള്‍ 8,574 വിദ്യാര്‍ഥികള്‍ ഉന്നത പഠനത്തിന് യോഗ്യത നേടി.
98 ശതമാനം. 29 സര്‍ക്കാര്‍ സ്‌കൂളുകള്‍ ഉപജില്ലയില്‍ നൂറ് ശതമാനം വിജയം നേടിയിട്ടുണ്ട്.