കരുളായി: ദിനംപ്രതിയൊന്നോണം വരള്‍ച്ചയിലേക്കു നീങ്ങുന്ന വനാന്തരങ്ങളില്‍നിന്നു തീറ്റയും കുടിനീരും തേടി കാട്ടാനകള്‍ നാട്ടിന്‍പുറങ്ങളിലേക്ക് ഇറങ്ങിത്തുടങ്ങി. നാട്ടിലേക്കിറങ്ങുന്ന കാട്ടാനകള്‍ കര്‍ഷകര്‍ക്കു കണ്ണീരാണ് സമ്മാനിക്കുന്നത്.
ഇന്നലെ പുലര്‍ച്ചെയെത്തിയ കാട്ടനക്കൂട്ടം മൂത്തേടം പഞ്ചായത്തിലെ ചെട്ട്യാരങ്ങാടിയിലുള്ള കൊല്ലറമ്പന്‍ ഉമ്മറിന്റെ നൂറ്റിയന്‍പതോളം നേന്ത്രവാഴകള്‍ നശിപ്പിക്കുകയും ഭക്ഷിക്കുകയും ചെയ്താണ് മടങ്ങിയത്. സ്ഥലം പാട്ടത്തിനെടുത്തും ബാങ്കില്‍നിന്നു ലോണെടുത്തുമാണ് ഉമ്മര്‍ കൃഷിയിറക്കിയത്. കൂടാതെ വേനലില്‍ വെള്ളമെത്തിച്ചാണ് കൃഷി ചെയ്യുന്നത്. കൃഷി സംരക്ഷണത്തിനായി സോളാര്‍ വേലി സ്ഥാപിച്ചിട്ടു@ു@െങ്കില്‍ അവ തകര്‍ത്താണ് ആന കൃഷിയിടത്തിലെത്തിയത്.