പഴയങ്ങാടി: റമദാന്‍ മാസത്തിന്റെ മറപറ്റി ഇതരസംസ്ഥാന തൊഴിലാളികളടക്കം വീടുകള്‍ കേന്ദ്രീകരിച്ച് ഭിക്ഷാടനം നടത്തുന്നത് പഴയങ്ങാടി മേഖലയില്‍ പതിവാകുന്നു. സ്ത്രീകള്‍ മാത്രമുള്ള സമയങ്ങളില്‍ വീടുകളിലെത്തുന്ന സംഘം സുഖമില്ലെന്നും വിവാഹ സഹായം ആവശ്യപ്പെട്ടുമാണ് നല്ലൊരു തുക കൈപ്പറ്റുന്നത്. കഴിഞ്ഞദിവസം പഴയങ്ങാടിയില്‍ ഇത്തരത്തില്‍ നുണ പ്രചരിപ്പിച്ച് പണംതട്ടുന്ന സംഘത്തെ താക്കീതു ചെയ്തു വിട്ടയച്ചിരുന്നു. കുട്ടികളെയും സ്ത്രീകളെയും വൃദ്ധന്‍മാരെയും ഉപയോഗിച്ചാണ് ഇത്തരത്തില്‍ ഭിക്ഷാടനം നടത്തുന്നത്. വൈകുന്നേരങ്ങളില്‍ ഇത്തരം സംഘങ്ങള്‍ പണം എണ്ണി തിട്ടപ്പെടുത്തുന്നത് നഗരത്തില്‍ നിത്യകാഴ്ചയാണ്.