പെരുമ്പാവൂര്‍: ആലപ്പുഴ ജില്ലയിലെ പ്രീതികുളങ്ങര ടാഗോര്‍ മെമോറിയല്‍ പഞ്ചായത്ത് എല്‍.പി സ്‌കൂളിലെ എസ്.എം.സി പ്രതിനിധി സംഘം കൂവപ്പടി ബ്ലോക്ക് റിസോഴ്‌സ് സെന്റര്‍ സന്ദര്‍ശിച്ചു. കുട്ടികളുടെ അഭാവം മൂലം അടച്ചു പൂട്ടല്‍ ഭീഷണി നേരിട്ട സ്‌കൂളില്‍ കഴിഞ്ഞ അധ്യയന വര്‍ഷം 100 ല്‍ അധികം കുട്ടികള്‍ പ്രവേശനം നേടി സംസ്ഥാന തലത്തില്‍ തന്നെ ശ്രദ്ധയാകര്‍ഷിച്ചിരുന്നു. എസ്.എം.സി ചെയര്‍മാന്‍ വി.വി മോഹനദാസ് മുഖ്യപ്രഭാഷണം നടത്തി. പി ശ്രീകാന്ത്, വി.എസ് സുരേഷ് ബാബു, എസ് അനില്‍കുമാര്‍ എന്നീ നാലു പേരടങ്ങിയ സംഘമാണ് ബി.ആര്‍.സി സന്ദര്‍ശിച്ചത്. ബി.ആര്‍.സിയുടെ കീഴിലുള്ള സ്‌കൂളുകളിലെ പ്രധാനധ്യാപകരുമായി  അനുഭവങ്ങള്‍ പങ്കുവച്ചതിനു ശേഷമാണ് സംഘം മടങ്ങിയത്.