കൊയിലാണ്ടി: ഹാര്‍ബര്‍ വികസന സമിതിയുടെ നേതൃത്വത്തില്‍ കൊയിലാണ്ടി ഹാര്‍ബറിന്റെ നിര്‍മാണ പ്രവൃത്തി തടഞ്ഞു. നിര്‍മാണ പ്രവൃത്തിയില്‍ ക്രമക്കേട് ചൂണ്ടികാണിച്ച് കൊണ്ട് നേരത്തെ രണ്ടുതവണ ഹാര്‍ബര്‍ എന്‍ജിനീറിങ് വിഭാഗം ഉദ്യോഗസ്ഥര്‍ക്ക് സമിതി കത്ത് നല്‍കിയിരുന്നു.
എന്നാല്‍ നാളിതുവരെയായിട്ടും ഇക്കാര്യത്തില്‍ സംയുക്ത സമിതിയെ കാര്യങ്ങള്‍ ബോധ്യപ്പെടുത്തുകയോ പരിഹാരമാര്‍ഗങ്ങള്‍ തേടുകയോ ചെയ്യാത്തതില്‍ പ്രതിഷേധിച്ചാണ് പ്രവൃത്തി തടഞ്ഞത്. പ്രശ്‌നത്തില്‍ തുടര്‍നടപടി ഇല്ലാത്ത പക്ഷം കൂടുതല്‍ പ്രക്ഷോഭ പരിപാടികള്‍ സംഘടിപ്പിക്കാനാണ് തീരുമാനം. വി.എം രാജീവന്‍, സി.പി റഹീം, പി.പി പുരുഷോത്തമന്‍ ,കെ. രാജന്‍, കെ.പി മനോജ്, വി.കെ രാജന്‍, ടി.പി സുരേന്ദ്രന്‍, എം.വി ബാബുരാജ് നേതൃത്വം നല്‍കി.