ആനക്കര: സംസ്ഥാനത്ത് ആദ്യമായി ഡയറ്റിലും സ്മാര്‍ട്ട് ക്ലാസ്‌റൂം. ആനക്കര ഡയറ്റിലെ ഡി.എഡ് വിദ്യാര്‍ഥികള്‍ക്കാണ് തൃത്താല സ്‌മൈല്‍ പദ്ധതി പ്രകാരം തൃത്താല എം.എല്‍.എ വി.ടി ബല്‍റാമിന്റെ ആസ്തി വികസന ഫണ്ടില്‍നിന്നുമാണ് സ്മാര്‍ട്ട്‌റൂമിനു തുക അനുവദിച്ചത്. വി.ടി ബല്‍റാം എം.എല്‍.എ ഉദ്ഘാടനം ചെയ്തു. ആനക്കര പഞ്ചായത്ത് പ്രസിഡന്റ് സിന്ധു രവീന്ദ്രകുമാര്‍ അധ്യക്ഷയായി. എം സേതുമാധവന്‍, സ്‌മൈല്‍ കോഡിനേറ്റര്‍ ദാസ് പടിക്കല്‍, വാര്‍ഡ് മെമ്പര്‍ വത്സല വിശ്വനാഥ്, കെ.വി നാസര്‍, ഷറഫുദ്ദീന്‍ കളത്തില്‍, ഹെഡ്മാസ്റ്റര്‍ ഇന്‍ ചാര്‍ജ് ഷാജി, ഡോ.കെ രാമചന്ദ്രന്‍, പി രാജന്‍ സംബന്ധിച്ചു.