തൊടുപുഴ:   പാറമടയില്‍ അനധികൃതമായി സൂക്ഷിച്ചിരുന്ന കംപ്രസര്‍ മെഷീനുകള്‍  പൊലിസ് പിടിച്ചെടുത്തു. തൊടുപുഴ അഞ്ചിരി ഇടിവെട്ടിപ്പാറ കോളനിക്ക്  സമീപത്ത് പ്രവര്‍ത്തിക്കുന്ന ക്രഷര്‍ യൂനിറ്റില്‍ നിന്നാണ് രണ്ട് മെഷീനുകള്‍  പിടിച്ചെടുത്തത്. ചിലവ് പള്ളിവാതുക്കല്‍ ഷിജു തോമസിന്റെ  ഉടമസ്ഥതയിലുള്ളതാണ് ഈ പാറമട.
പൊട്ടിച്ചെടുത്ത കരിങ്കല്ലുകളും മക്കും  നീക്കം ചെയ്യാനുള്ള അനുമതിപത്രം ജിയോളജി ഉദ്യോഗസ്ഥരില്‍ നിന്നും  ഇയാള്‍ക്ക് ലഭിച്ചിരുന്നു. മാര്‍ച്ച് 24 വരെയാണ് ഈ അനുമതിപത്രത്തിന്റെ  കാലാവധി. ഇക്കാലയളവില്‍ ഇവിടെ പാറ പൊട്ടിക്കാന്‍ കഴിയില്ലെന്നും  അനുമതിപത്രത്തില്‍ വ്യക്തമാക്കിയിരുന്നു. എന്നാല്‍, പാറ പൊട്ടിക്കാനുള്ള ഉപകരണങ്ങള്‍  ക്വാറിയില്‍ അനധികൃതമായി സൂക്ഷിച്ചിരുന്നു.