ലണ്ടന്‍: ആഴ്‌സന്‍ വെങര്‍ക്ക് ആശ്വസിക്കാം. ആഴ്‌സനലിന്റെ ഹോം മൈതാനത്ത് തന്റെ അവസാന പോരിനിറങ്ങിയ കോച്ച് ആഴ്‌സന്‍ വെങര്‍ക്ക് ഉജ്ജ്വല വിജയം സമ്മാനിച്ച് ശിഷ്യര്‍. 

മറുപടിയില്ലാത്ത അഞ്ച് ഗോളുകള്‍ക്ക് ഗണ്ണേഴ്‌സ് ബേണ്‍ലിയെ തകര്‍ത്ത്. മറ്റൊരു മത്സരത്തില്‍ ലിവര്‍പൂളിനെ മറുപടിയില്ലാത്ത ഒറ്റ ഗോളിന് വീഴ്ത്തി ചെല്‍സി പോയിന്റ് പട്ടികയില്‍ നാലാം സ്ഥാനത്തെത്താനുള്ള പ്രതീക്ഷ നിലനിര്‍ത്തി. കിരീടം ഉറപ്പിച്ച മാഞ്ചസ്റ്റര്‍ സിറ്റിയെ അവരുടെ തട്ടകത്തില്‍ ഗോള്‍രഹിത സമനിലയില്‍ പിടിച്ച് ഹഡ്ഡേഴ്‌സ്ഫീല്‍ഡ് കരുത്ത് കാട്ടി.
എമിറേറ്റ്‌സ് സ്റ്റേഡിയത്തില്‍ ഔബമേയങിന്റെ ഇരട്ട ഗോളുകളാണ് ആഴ്‌സനലിന് മിന്നും ജയം സമ്മാനിച്ചത്. ശഷിച്ച ഗോളുകള്‍ ലക്കാസറ്റെ, കോല്‍സിനാക്ക്, ഇവോബി എന്നിവരും നേടി. ജിറൂദ് നേടിയ ഏക ഗോളാണ് ചെല്‍സിക്ക് ജയം സമ്മാനിച്ചത്.