അദിസ് അബാബ: എത്യോപയുടെ തലസ്ഥാനമായ അദിസ് അബാബയിലെ കൂറ്റന്‍ മാലിന്യക്കൂമ്പാരം ഇടിഞ്ഞ് മണ്ണിടിച്ചിലില്‍ 48 പേര്‍ കൊല്ലപ്പെട്ടു. നിരവധി പേരെ കാണാതായിട്ടുണ്ട്. 150ഓളം പേര്‍ സംഭവ സമയത്ത് സ്ഥലത്തുണ്ടായിരുന്നതായി പ്രദേശവാസികള്‍ പറഞ്ഞു.

പ്രദേശത്ത് താല്‍ക്കാലികാവശ്യത്തിനായി നിര്‍മിച്ച നിരവധി വീടുകള്‍ മാലിന്യകൂമ്പാരത്തിന് താഴെ അകപ്പെട്ടിരിക്കുകയാണ്. അദിസ് അബാബയിലെ മാലിന്യനിക്ഷേപ കേന്ദ്രമായി ഇവിടെ അഞ്ചിലധികം നിക്ഷേപ കേന്ദ്രങ്ങളുണ്ട്. മരിച്ചവരില്‍ നിരവധി കുട്ടികളുമുണ്ട്. മരണസംഖ്യ ഇനിയും വര്‍ധിക്കാന്‍ സാധ്യതയുണ്ട്.
നിരവധി ജോലിക്കാര്‍ ഇവിടെയുള്ള താല്‍ക്കാലിക വീടുകളിലെ താമസക്കാരായിരുന്നു. കഴിഞ്ഞ 50 വര്‍ഷമായി ഇവിടെ മാലിന്യനിക്ഷേപ കേന്ദ്രമാണ്.