കല്‍പ്പറ്റ: ഒയിസ്‌ക കല്‍പ്പറ്റ ചാപ്റ്ററിന്റെ വാര്‍ഷികപരിപാടികള്‍ ഡി.വൈ.എസ്.പി പ്രിന്‍സ് അബ്രാഹാം ഉദ്ഘാടനം ചെയ്തു.
മഴകുഴി നിര്‍മാണം, ജൈവപച്ചക്കറിതോട്ട നിര്‍മാണം, ജലപരിശോധന ക്യാംപ്, വഴിയോരങ്ങളില്‍ വൃക്ഷത്തൈ നട്ടുവളര്‍ത്തുന്ന പദ്ധതി, വികസന സെമിനാറുകള്‍, കരകൗശലവസ്തു നിര്‍മാണ പരിശീലന പരിപാടികള്‍ തുടങ്ങി വൈവിധ്യങ്ങളായ പരിപാടികള്‍ക്കാണ് തുടക്കം കുറിച്ചത്. പ്രസിഡന്റ് സിറാജുദ്ദീന്‍ അധ്യക്ഷനായി.
സെക്രട്ടറി ഷാജി തദ്ദേവൂസ് വാര്‍ഷികപദ്ധതി അവതരിപ്പിച്ചു. ലവ്‌ലി അഗസ്റ്റിന്‍, മുഹമ്മദാലി, പി. കബീര്‍, ഡോ. വിനോദ് ബാബു സംസാരിച്ചു.
ഷാജി പോള്‍, പി.ഡി മൈക്കിള്‍, മുഹമ്മദ് മാസ്റ്റര്‍, രമേശ് മാണിക്യം, ഉമ്മര്‍ നേതൃത്വം നല്‍കി.