ചിക്കാഗോ: മഴയും മിന്നലും വിഘാതം സൃഷ്ടിച്ചെങ്കിലും കൊളംബിയയെ നിഷ്പ്രഭമാക്കി ചിലി കോപ്പ അമേരിക്ക ഫൈനലില്‍ കടന്നു. ഇതോടെ ഒരിക്കല്‍കൂടി അര്‍ജന്റീന- ചിലി ഫൈനലിന് കളമൊരുങ്ങി.

മഴയ്ക്കു മുമ്പേ ചിലി അടിച്ച രണ്ടു ഗോളുകളെ മറികടക്കാന്‍ മഴമാറിനിന്ന് തുടങ്ങിയ രണ്ടാം പകുതിയില്‍ കൊളംബിയയ്ക്കായില്ല. ഏഴാം മിനിറ്റില്‍ ചാള്‍സ് അരാഗ്യൂസും പതിനൊന്നാം മിനിറ്റില്‍ പെഡ്രോ ഫ്യൂന്‍സാലിഡയുമാണ് ചിലിയുടെ ഗോളുകള്‍ നേടിയത്. ആദ്യ പകുതി അവസാനിച്ചതോടെ ശക്തമായ മിന്നലും മഴയും കളിയെ തടസ്സപ്പെടുത്തി. പിന്നീട് ഒന്‍പതു മണിക്കൂറിനു ശേഷമാണ് രണ്ടാം പകുതി തുടങ്ങാനായത്.