കൊച്ചി: വേമ്പനാട്ടു കായലില്‍ വാട്ടര്‍ ബൈക്ക് മുങ്ങി ഒരാളെ കാണാതായി. കൊച്ചി ബോള്‍ഗാട്ടി പാലസിന് സമീപമാണ് വിനോദസഞ്ചാരികള്‍ സഞ്ചരിച്ച വാട്ടര്‍ ബൈക്ക് മുങ്ങിയത്. ഒപ്പമുണ്ടായിരുന്ന രണ്ടു പേരെ രക്ഷപ്പെടുത്തി. പാലക്കാട് സ്വദേശി ബിനീഷിനെയാണ് കാണാതായത്.

ഉച്ചയ്ക്ക് ഒരു മണിയോടെയാണ്‌ സംഭവം. അപകടം നടക്കുമ്പോള്‍ ബൈക്കില്‍ മൂന്ന് പേരുണ്ടായിരുന്നു. രണ്ടു പേര്‍ക്ക് കയറാവുന്ന വാട്ടര്‍ ബൈക്കാണിത്.  രണ്ട് പേര്‍ നീന്തി രക്ഷപ്പെട്ടു. കാണാതായ ഒരാള്‍ക്ക് വേണ്ടി തിരച്ചില്‍ തുടരുന്നു. അമിതവേഗത്തില്‍ എത്തിയ ബൈക്ക് പെട്ടന്ന് വെട്ടിത്തിരിച്ചതാണ് അപകടത്തിനു വഴിവച്ചത്.