കൊയിലാണ്ടി: നേര്‍ച്ചപ്പെട്ടി കുത്തിത്തുറന്ന് പണം കവര്‍ന്നു. കൊല്ലം പാറപ്പള്ളിക്ക് സമീപമുള്ള നേര്‍ച്ചപ്പെട്ടിയാണ് കഴിഞ്ഞദിവസം പുലര്‍ച്ചെ കുത്തിത്തുറന്ന നിലയില്‍ കാണപ്പെട്ടത്.
 രണ്ടു മാസം മുന്‍പും ഇവിടെ മോഷണശ്രമം നടന്നിരുന്നു. ജീവനക്കാരും നാട്ടുകാരും ചേര്‍ന്നു നേര്‍ച്ചപ്പെട്ടിയുമായി കടന്നുകളയാന്‍ ശ്രമിച്ച തവനൂര്‍ സ്വദേശിയായ യുവാവിനെ കൈയോടെ പിടികൂടുകയായിരുന്നു. പള്ളി കമ്മിറ്റിയുടെ പരാതിയെ തുടര്‍ന്ന് എസ്.ഐ പി.പി രാജന്റെ നേതൃത്വത്തില്‍ പൊലിസെത്തി പരിശോധന നടത്തി. കൊല്ലം മന്ദമംഗലം ഭാഗത്തു രാത്രി 12നും പുലച്ചെയ്ക്കുമിടയില്‍ ബൈക്കിലും കാറിലും അജ്ഞാതരായവര്‍ കറങ്ങി നടക്കുന്നതായി നാട്ടുകാര്‍ പറയുന്നു. അന്വേഷണം നടത്തി പ്രതിയെ പിടികൂടണമെന്ന് കൊല്ലം ജുമുഅത്ത് പള്ളി കമ്മിറ്റി ആവശ്യപ്പെട്ടു. സിദ്ദീക്ക് കൂട്ടുംമുഖം അധ്യക്ഷനായി. ഗഫൂര്‍ എം.കെ, ഹൈദര്‍ ടി.വി, ജാഫര്‍ ടി.വി സംബന്ധിച്ചു.