മണ്ണാര്‍ക്കാട്: എസ്.കെ.എസ്.എസ്.എഫ്. സംസ്ഥാന കമ്മിറ്റിയുടെ സംരംഭമായ മണ്ണാര്‍ക്കാട് ഇസ്‌ലാമിക് സെന്ററിന്റെ ഇഫ്താര്‍ സംഗമവും, സമസ്ത കേരള ജംഇയ്യത്തുല്‍ ഉലമ പ്രസിഡണ്ടായി തെരഞ്ഞെടുത്ത കുമരംപുത്തൂര്‍ എ.പി. മുഹമ്മദ് മുസ്‌ലിയാര്‍, സമസ്ത കേരള ജംഇയ്യത്തുല്‍ മുഅല്ലിമീന്‍ കേന്ദ്ര കൗണ്‍സില്‍ പ്രസിഡണ്ടായി തെരഞ്ഞെടുത്ത സി.കെ.എം. സ്വാദിഖ് മുസ്‌ലിയാര്‍ എന്നിവര്‍ക്കായി ദുബൈ എസ്.കെ.എസ്.എസ്.എഫ് പാലക്കാട് ജില്ലാ കമ്മറ്റി ഏര്‍പ്പെടുത്തിയ മര്‍ഹൂം ആനക്കര കോയക്കുട്ടി മുസ്‌ലിയാര്‍ സ്മാരക അവാര്‍ഡ് നല്‍കലും ഇന്ന് വൈകുന്നേരം 5 മണിക്ക് ഇസ്‌ലാമിക്‌സെന്റര്‍ ഓഡിറ്റോറിയത്തില്‍ നടക്കും.
       സുന്നിമഹല്ല് ഫെഡറേഷന്‍ മേഖലാ പ്രസിഡണ്ട് സി.പി. ബാപ്പുമുസ്‌ലിയാരുടെ അധ്യക്ഷതയില്‍ എസ്.കെ.എസ്.എസ്.എഫ്. സംസ്ഥാന പ്രസിഡണ്ട് പാണക്കാട് സയ്യിദ് ഹമീദലി ശിഹാബ് തങ്ങള്‍ ചടങ്ങ് ഉദ്ഘാടനം ചെയ്യും. എസ്.കെ.എസ്.എസ്.എഫ്  സംസ്ഥാന ജനറല്‍ സെക്രട്ടി സത്താര്‍ പന്തല്ലൂര്‍ മുഖ്യപ്രഭാഷണം നടത്തും. പി.കെ ഇമ്പിച്ചിക്കോയതങ്ങള്‍ കൊടക്കാട് സമാപന പ്രാര്‍ത്ഥനക്ക് നേതൃത്വം നല്‍കും.
       അഡ്വ: എന്‍. ഷംസുദ്ദീന്‍ എം.എല്‍.എ, ഇ. അലവി ഫൈസി കുളപ്പറമ്പ്, സി. മുഹമ്മദലി ഫൈസി, കെ.സി.അബൂബക്കര്‍ ദാരിമി, കുടക് അബ്ദുറഹ്മാന്‍ മുസ്‌ലിയാര്‍, എസ്.കെ.എസ്. എസ്.എഫ് ദുബൈ പാലക്കാട് ജില്ലാ പ്രസിഡണ്ട് ഉമര്‍ മഠത്തിപറമ്പ്, ജംഷാദ് മണ്ണാര്‍ക്കാട്, ടി.ടി. ഉസ്മാന്‍ ഫൈസി, അന്‍വര്‍ ഫൈസി കാഞ്ഞിരപ്പുഴ, റഹീം ഫൈസി, ടി.കെ. സുബൈര്‍ മൗലവി, ടി.എ. സിദ്ധീഖ്, സി. മുഹമ്മദ് ബഷീര്‍, ഹമീദ് ഹാജി, സംസം ബഷീര്‍ എന്നിവര്‍ സംബന്ധിക്കും. എന്‍. ഹബീബ് ഫൈസി സ്വാഗതവും ശമീര്‍ ഫൈസി കോട്ടോപ്പാടം നന്ദിയും പറയും.