മാള: പൊയ്യ മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ പഞ്ചായത്ത് ഓഫിസിന് മുന്നില്‍ ഉപവാസം സംഘടിപ്പിച്ചു. കേന്ദ്ര സംസ്ഥാന സര്‍ക്കാരുകള്‍ ജനദ്രോഹ നടപടികള്‍ നടപ്പാക്കുകയാണെന്നും പൊയ്യ ഗ്രാമപഞ്ചായത്തിന് കെടുകാര്യസ്ഥതയാണെന്നും ആരോപിച്ചാണ് ഉപവാസം നടത്തിയത്. പൊയ്യ ഗ്രാമപഞ്ചായത്ത് മുന്‍ പ്രസിഡന്റ് സി.ഡി തോമസ് ഉപവാസ സമരം ഉദ്ഘാടനം ചെയ്തു. കോണ്‍ഗ്രസ് മണ്ഡലം പ്രസിഡന്റ് എം.ബി സുരേഷ് അധ്യക്ഷനായി. വക്കച്ചന്‍ അമ്പൂക്കന്‍, സി.എ ആന്റണി, കെ.എം പുരുഷോത്തമന്‍ തുടങ്ങിയവര്‍ സംസാരിച്ചു