കാസര്‍കോട്: സുന്നി യുവജന സംഘം സംഘടനാ ശാക്തീകരണത്തിന്റെ ഭാഗമായി സംസ്ഥാന വ്യാപകമായി നടത്തുന്ന അദാലത്തിന് ജില്ലയില്‍ തുടക്കം. അദാലത്തിന്റെ ജില്ലാതല ഓണ്‍ലൈന്‍ രജിസ്‌ട്രേഷന്‍ സ്വിച്ച് ഓണ്‍ കര്‍മം ജില്ലാ പ്രസിഡന്റ് സയ്യിദ് ടി.കെ പൂക്കോയ തങ്ങള്‍ ചന്തേര നിര്‍വഹിച്ചു.
ചെറുവത്തൂര്‍ മാസ് അറബിക് കോളജില്‍ നടന്ന തൃക്കരിപ്പൂര്‍ മണ്ഡലം അദാലത്തില്‍ ടി.സി കുഞ്ഞബ്ദുല്ല ഹാജി അധ്യക്ഷനായി. പി.വി ശരീഫ് ഹാജി പടന്ന, മുഹമ്മദ് കുഞ്ഞി മാസ്റ്റര്‍, മൊയ്തിന്‍ കുഞ്ഞി മൗലവി, ഒ.ടി അബ്ദുസ്സമദ് മൗലവി, എം.സി അബ്ദുല്ല, സുലൈമാന്‍ മൗലവി, കെ.എന്‍.പി അബ്ദുല്ല, മുനീര്‍ അസ്ഹരി സംസാരിച്ചു.
ഹൊസങ്കടി സമസ്ത ആസ്ഥാന മന്ദിരത്തില്‍ നടന്ന മഞ്ചേശ്വരം മണ്ഡലം കമ്മിറ്റി അദാലത്തില്‍ ജില്ലാ ജനറല്‍ സെക്രട്ടറി അബൂബക്കര്‍ സാലുദ് നിസാമി ബെജജ ശാഖക്കുള്ള റികാര്‍ഡ് പ്രസിഡന്റ് ഇബ്രാഹിം മൗലവിക്ക് നല്‍കി ഉദ്ഘാടനം ചെയ്തു. അബ്ദുല്‍ റഹ്മാന്‍ ഹാജി കമ്പാര്‍ അധ്യക്ഷനായി.
സിദ്ദീഖ് അസ്ഹരി പാത്തൂര്‍, സൈഫുല്ല തങ്ങള്‍ ഉദ്യാവരം, മുഹമ്മദ് ഫൈസി കജ, ഇസ്മാമാഈല്‍ അസ്ഹരി, കെ.എച്ച് കുഞ്ഞി ഉറുമി, കണ്ടത്തില്‍ മുഹമ്മദ്ഹാജി, അബ്ദുല്‍ ഖാദര്‍ ഉളുവാര്‍, മുല്‍ക്കി അബ്ദുല്ല മൗലവി, അബ്ദുറഹ്മാന്‍ ഹാജി ബന്ധശാല, റിയാസ് മൊഗ്രാല്‍, അദ്‌നാന്‍ അന്‍സാരി, ഹാരിസ് റഹ്മാനി, ഉസ്മാന്‍ മുസ്‌ലിയാര്‍ സംസാരിച്ചു.