ന്യൂയോര്‍ക്ക്: യു.എസ് പ്രസിഡന്റ് ഡൊണാള്‍ഡ് ട്രംപിന്റെ 2005ലെ ടാക്‌സ് റിട്ടേര്‍ണുകള്‍ പുറത്തുവിട്ടു.
യു.എസ് ടി.വി നെറ്റ്‌വര്‍കായ എം.എസ്്.എന്‍.ബി.സി ആണ് ഇതുസംബന്ധിച്ച വാര്‍ത്ത പുറത്തുവിട്ടിരിക്കുന്നത്. ട്രംപ് 38 മില്യണ്‍ ഡോളര്‍ നികുതിയടച്ചിട്ടുണ്ടെന്നും 150 മില്യണ്‍ ഡോളര്‍ സ്വത്ത് സമ്പാദിച്ചിട്ടുണ്ടെന്നുമാണ് വൈറ്റ് ഹൗസില്‍ നിന്നുള്ള ടാക്‌സ് റിട്ടേര്‍ണ്‍ റിപ്പോര്‍ട്ടിലുള്ളത്.

ശക്തമായ എതിര്‍പ്പാണ് ഇതു പുറത്തുവിട്ടതിനോട് വൈറ്റ് ഹൗസ് പ്രതികരിച്ചത്. ഇത്തരം കണക്കുകള്‍ പുറത്തുവിട്ടത് നിയമവിധേയമല്ലെന്നാണ് വൈറ്റ് ഹൗസ് അറിയിച്ചത്. ഇലക്ഷന്‍ പ്രചാരണ കാംപയിന്‍ സമയത്ത് നികുതി റിട്ടേണുകള്‍ ട്രംപ് പുറത്തുവിട്ടിരുന്നില്ല. ഇതിലൂടെ പരമ്പരാഗതമായി തെരഞ്ഞെടുപ്പ് സമയത്ത് തുടര്‍ന്നിരുന്ന സമ്പ്രദായത്തിന് തടയിടുകയായിരുന്നു ട്രംപ് ചെയ്തത്.

രണ്ടുപേജുള്ള ഈ റിട്ടേര്‍ണില്‍ ട്രംപിന്റെ വരുമാനം സംബന്ധിച്ച വിശദമായി വിവിരിക്കുന്നില്ല.
അതേസമയം, ഫെഡറല്‍ ടാക്‌സ് റിട്ടേണ്‍ പ്രസിദ്ധീകരിച്ചത് ക്രിമിനല്‍ കുറ്റമാണ് എന്നാണ് വൈറ്റ് ഹൗസ് അധികൃതരുടെ വാദം. എന്നാല്‍,പൊതുജനതാല്‍പര്യാര്‍ത്ഥം ഇത്തരം വിവരങ്ങള്‍ പ്രസിദ്ധപ്പടുത്താന്‍ അമന്‍മെന്റുണ്ടെന്നാണ് എം.എസ്്.എന്‍.ബി.സിയുടെ വാദം.