നെടുങ്കണ്ടം: കഞ്ചാവുമായി യുവാവ് അറസ്റ്റിലായി. ശാന്തന്‍പാറ ചേരിയാര്‍കരയില്‍ ബിജു(29) ആണ് പിടിയിലായത്. ഇന്നലെ ഉച്ചയ്ക്ക് 12നു ബോഡിമെട്ട് ചെക്കുപോസ്റ്റില്‍ എക്‌സൈസ് നടത്തിയ വാഹന പരിശോധനയിലാണ് ബിജു പിടിയിലായത്.
തമിഴ്‌നാട് ബസില്‍ നിന്ന്  ഇറങ്ങി ബോഡിമെട്ട് ചെക്കുപോസറ്റ് കടക്കാന്‍ ശ്രമിക്കുന്നതിനിടെയാണ് പിടികൂടിയത്.  
അടിവസ്ത്രത്തിലൊളിപ്പിച്ച് കടത്താന്‍ ശ്രമിച്ച 15 പൊതി കഞ്ചാവാണ് പിടികൂടിയത്. സ്വന്തം ആവശ്യത്തിനും, വില്‍പ്പനയ്ക്കുമെന്നാണ് കഞ്ചാവ് എത്തിച്ചതെന്നാണ് ഇയാള്‍ മൊഴി നല്‍കിയത്.
 ഉടുമ്പന്‍ചോല അഡീഷനല്‍ എക്‌സൈസ് ഇന്‍സ്‌പെക്ടര്‍ ഉണ്ണികൃഷ്ണന്‍, പ്രീവന്റീവ് ഓഫിസര്‍മാരായ ശ്രീകുമാര്‍, ദീപുകുമാര്‍, പ്രകാശ്, റെജി എബ്രാഹം എന്നിവരടങ്ങിയ സംഘമാണ് അറസ്റ്റ് ചെയ്തത്.