വളാഞ്ചേരി: അന്താരാഷ്ട്ര യൂനിവേഴ്‌സിറ്റീസ് ലീഗ് അംഗത്വത്തോടെ പ്രവര്‍ത്തിക്കുന്ന കോര്‍ഡിനേഷന്‍ ഓഫ് ഇസ്‌ലാമിക് കോളജസി (സി.ഐ.സി)ന് കീഴിലുള്ള 32 വഫിയ്യ കോളജുകളിലേക്കുള്ള പ്രവേശന പരീക്ഷ വിവിധ കേന്ദ്രങ്ങളില്‍ നാളെ നടക്കും.
എസ്.എസ്.എല്‍.സി ഉപരിപഠന യോഗ്യത നേടിയ വിദ്യാര്‍ഥിനികള്‍ക്ക് അഞ്ച് വര്‍ഷം കൊണ്ട് മതവിഷയങ്ങളില്‍ അവഗാഹവും യൂനിവേഴ്‌സിറ്റി ഡിഗ്രിയും സമന്വയിച്ച് നല്‍കുന്നതാണ് വളാഞ്ചേരി മര്‍ക്കസ് കേന്ദ്രമായി പ്രവര്‍ത്തിക്കുന്ന വഫിയ്യ കോഴ്‌സ്.
പരീക്ഷ കേന്ദ്രങ്ങള്‍ വളാഞ്ചേരി മര്‍ക്കസ്, വാഫി കാംപസ്, കാളികാവ് (മലപ്പുറം), മുക്കം മുസ്‌ലിം ഓര്‍ഫനേജ് (കോഴിക്കോട്), ഇസ്സത്തുല്‍ ഇസ്‌ലാം, അത്താഴകുന്ന്, എം.ട്ടി.എം വിമിന്‍സ് കോളജ്, ചൊക്ലി (കണ്ണൂര്‍) നൂറുല്‍ ഇസ്‌ലാം വിമന്‍സ് കോളജ്, ആലംപാടി, (കാസര്‍കോട്), ഡബ്ല്‌യു.എം.ഒ മുട്ടില്‍ (വയനാട്), എം.ഐ.സി കൈപമംഗലം (തൃശൂര്‍), ബീവി ഖദീജ കോമ്പാറ (എറണാകുളം), നഫീസത്തുല്‍ മിസ്‌രിയ (ആലപ്പുഴ) എന്നീ കേന്ദ്രങ്ങളിലും ഗള്‍ഫിലെ റിയാദ്, ദോഹ, ജിദ്ദ, അബൂദബി എന്നിവിടങ്ങളിലും പരീക്ഷ സെന്ററുകളുണ്ട്.
മുന്‍കൂട്ടി രജിസ്റ്റര്‍ ചെയ്യാത്തവര്‍ക്ക് വളാേേഞ്ചരി മര്‍ക്കസില്‍ ഒരുക്കിയ സ്‌പോട്ട് രജിസ്‌ട്രേഷന്‍ സൗകര്യം പ്രയോജനപ്പെടുത്താവുന്നതാണെന്ന് സി.ഐ.സി എക്‌സാം കണ്‍ട്രോളര്‍ അറിയിച്ചു.